വിത്തുകള്‍

ഒരു സ്ത്രീ കടയിലേയ്ക്ക് കയറുകയായിരുന്നു.
കടയുടെ ഉടമസ്ഥനായി ദൈവം നില്‍ക്കുന്നത് കണ്ട് അവര്‍ അത്ഭുതപ്പെട്ടു

‘’അങ്ങെന്താണിവിടെ വില്‍ക്കുന്നത്?..അവര്‍ ചോദിച്ചു.
‘’നിന്റെ ഹൃദയം എന്നോടാവശ്യപ്പെടുന്നതെന്തും..’‘
അദ്ദേഹം മറുപടി പറഞ്ഞു.. ..

അവര്‍ക്ക് വിശ്വസിക്കാനായില്ല..എന്തു ചോദിയ്ക്കും?
അവസാനം....
എല്ലാ മനുഷ്യരും ചോദിച്ചേക്കാവുന്ന ഒന്നു തന്നെ അവര്‍ ചോദിച്ചു

"എനിയ്ക്ക് സ്നേഹം, സമാധാനം, അറിവ്, എല്ലാം വേണം..എനിക്കൊരിയ്ക്കലും ഭയമുണ്ടാകരുത്..അതു തരാമോ?"
കുറച്ചു നേരം നിര്‍ത്തി..ആലോചിച്ച് അവര്‍ വീണ്ടും പറഞ്ഞു..
’‘എനിയ്ക്കു മാത്രമല്ല..ലോകത്തെല്ലാവര്‍ക്കും...’‘

ദൈവമൊന്നു മന്ദഹസിച്ചു...സ്നേഹത്തോടെ പറഞ്ഞു..
"കുഞ്ഞേ, ഇവിടെ പഴങ്ങള്‍ വില്‍ക്കാറില്ല, വിത്തുകള്‍ മാത്രമേയുള്ളൂ....."



(പ്രീയ സുഹൃത്തിനോട് കടപ്പാട്)